Lenke til artikkelinnhald - Radonmålingar - tilbod til innbyggjarane i Kvam heradLenke til artikkelinnhald A - A - A | Sidekart |
AKTUELT | TENESTER | POLITISK | LAGSPORTALEN | VAL | KVAM | PLAN | POSTLISTE | KONTAKT | SKJEMA |
AKTUELT
kunngjering
ledige stillingar
nyhende
- Me gratulerer Kj..
- Eigna bustad i m..
- Høyring: Nye kom..
- Ung fritid i Kva..
- Budsjett 2018 og..
- Informasjon om a..
- Høyring: Ny vegn..
- Kulturmidlar 201..
- Vegarbeid på Fv7..
- Kommuneplanen si..
- Informasjon om t..
- Nye skjema for k..
- Innsamling av ar..
- Pris- og gebyrhe..
- Kvam herad tilby..
lagsportalen
kalender
logg inn/ mi side

Du er her: Startside / aktuelt / nyhende /

Radonmålingar - tilbod til innbyggjarane i Kvam herad


OBS! Denne artikkelen er henta frå arkivet og er gått ut på dato. Innhaldet kan difor vera utdatert.


Utskriftsvenleg side Lagt ut 6. januar 2017 kl. 12:45 av Kommunegeologen
Målesesongen for radon er frå ca. 15. okt. til 15. apr. (sporfilm må setjast ut seinast 15. feb). Kvam herad har ein avtale med Radonlab som gjer innbyggjarar i Kvam rimelelege sporfilmmålarar. Innbyggjarar må sjølv tinga sporfilm via Radonlab sine nettsider eller på telefon 21 96 03 50 (passord "Kvam").

Radon
Radon er ein luktfri, usynleg og radioaktiv edelgass som fins i grunnen. I for høge konsentrasjonar over tid kan han vera helseskadeleg. Radonmålingar i Kvam viser at ca. 5 % av sporfilmmålingane er over tilrådd verdi.

Radonverdiane varierar i løpet av dagen og året, og er oftast høgare i vinterhalvåret. Statens strålevern har som standard at målingar av radon bør skje i perioden 15. okt. og 15. april (målesesongen for radon). Sporfilm bør stå i minst i to månadar (må setjast ut før 15. februar), enkelte digitale målingar kan gjennomførast på ei veke.

Det er gjennom strålevernforskrifta av 29.10.2010 sett nye krav til kva nivå som er akseptable. Skular, barnehagar og andre offentlege bygg er omfatta av kravet, likeeins gjeld det utleigebustader (både offentlege og private).

Utleigarar bør derfor sterkt vurdere å ta radonmålingar.

For nærare informasjon viser me til artikkel på heimesida til Kvam herad: http://www.kvam.no/radon


Tilbod til innbyggjarane
Kvam herad har inngått ein samarbeidsavtale med sin leverandør om eit tilbod til private eigarar i Kvam herad. Innbyggjarar må sjølv tinga sporfilm frå Radonlab over nettsida http://www.radonlab.com/kvam eller på tlf. 21 96 03 50 (passord: «kvam»). Prisen per sporfilm vil vere 145,- + frakt.
Føresetnaden for rabatten er at Kvam herad og Statens strålevern vil få tilgang til måleresultata.

Meir opplysningar kan de få ved å kontakta Tore Dolvik på epost tordol@kvam.kommune.no eller på tlf. 56553076.



Me gratulerer Kjell Magne Seim med Hordaland fylkeskommune sin trafikksikringspris for 2017

17. november 2017 kl. 12:51 - Frank Tangen
Prisen som er på kr. 25.000 får Seim mellom anna for sitt arbeid med trafikksikring/-tryggleik særleg retta mot ungdom mellom 16 og 24 år. Seim var initiativtakar til øvinga "Børvenestunellen 2017" der alle naudetatane i Kvam, russen v/Øystese gymnas og Kvam motorsportklubb med fleire deltok.

Eigna bustad i møte med framtida?

13. november 2017 kl. 12:52 - Reidun Braut Kjosås
Folk flest ønskjer å bu heime og klara seg sjølve. Eldrebølgja utfordrar oss på mange felt. Frå 2020 og framover veit me at det vert ein merkbar auke i tal på eldre i samfunnet. Auken i Kvam er særleg stor. Kvam herad, Rådet for menneske med nedsett funksjon og eldre (RMNFE) og Kvam næringsråd inviterer til fagseminar med temaet eigna bustad i møta med framtida.

Høyring: Nye kommunedelplanar for vatn og avløp 2017 - 2024

10. november 2017 kl. 11:01 - Jarle Ystebø
Kvam heradsstyre har i møte den 27.09.2017 vedteke i samsvar med plan- og bygningslova § 11-14 å leggja kommunedelplanar for vatn og avløp ut til høyring og offentleg ettersyn i inntil 6 veker.
Høyringsfrist: 29.12.2017

Ung fritid i Kvam

10. november 2017 kl. 08:09 - Frank Tangen
Novemberprogrammet for "Ung fritid i Kvam" er klart! Påmelding seinast to dagar før arrangementet til epost ungfritid@kvam.kommune.no. Om du ikkje har epost, send sms/ring 915 85 236. For born og unge frå 10 til 18 år. Avgrensa tal plassar!

Budsjett 2018 og økonomiplan 2018-2021

7. november 2017 kl. 17:00 - Anita Hesthamar
Rådmann Arild M. Steine presenterte framlegg til budsjett for 2018 og økonomiplan 2018-2021 i heradsstyremøtet tysdag 7. november 2017. Budsjettframlegget skal handsamast i formannskapet måndag 27. november og i heradsstyre tysdag 12. desember.

Informasjon om appen Sarahah – potensiell mobbeapp

7. november 2017 kl. 13:46 - Beate Gauden
Kvam herad vil retta ei sterk oppmoding til at alle foreldre/føresette saman med sine born/unge slettar appen Sarahah frå mobiltelefonane.

Høyring: Ny vegnorm for Kvam herad

7. november 2017 kl. 06:08 - Nils Eivind Stranden
Kvam herad har vore med på å utarbeida vegnorm i lag med 11 andre kommunar i Hordaland. Norma skal sikra lik praksis knytt til bygging av nye vegar. Den set òg vilkår knytt til overtaking av private vegar, eller nedklassifisering (overføring frå kommunal til privat) av vegar. Før kommunal veg kan nedklassifserast til privat veg, skal det gjerast politisk vedtak i kommunen.
Høyringsfrist: 29. desember

Kulturmidlar 2017 - Utbetaling av tilskot

3. november 2017 kl. 10:20 - Mary Ann Sørheim
Illustrasjon av pengesedlar I samband med vedtak om tildeling av kulturmidlar 2017 (t.d driftstilskot til kulturorganisasjonar,kulturhus, nærmiljøtiltak,leikeplassar,turvegar,idrett mm ) er fristen for innsending av bilag og oppdatering på lagsportalen 30.11.17. Ein kan ikkje overføra tilskot til 2018. Dokumentasjon skal sendast postmottak@kvam.kommune.no. For meir informasjon, kontakt kulturkontoret v/Mary Ann Sørheim, 56 55 69 06 / 954 07 710, mars@kvam.kommune.no

Vegarbeid på Fv7 ved Laupsa

26. september 2017 kl. 10:40 - Frank Tangen
Statens vegvesen melder at Fv7 vert preiodevis stengt på grunn av vegarbeid ved Laupsa i Øystese i perioden 26. september til 22. desember. Personbilar kan nytta Fv131 (om Porsmyr) i stengetida. Vegen vert stengt:
  • Måndag - torsdag
    • kl. 0820-1045
    • kl. 1115-1410
    • kl. 1430-1505
    • kl. 1535-1610
    • kl. 1630-1830
Sjekk vegmeldingar på vegvesen.no

Kommuneplanen sin arealdel er klar til første handsaming

22. september 2017 kl. 15:25 - Trond Inge Brakestad
Eit omfattande og viktig arbeid har no nådd ein milepæl. Den nye arealdelen til kommuneplanen skal til politisk handsaming for fyrste gong.

Informasjon om tilrettelegging for born med nedsett funksjonsevne i barnehagen

21. august 2017 kl. 07:56 - Beate Gauden
Endringar i Lov om barnehage frå 1. august 2016.

Nye skjema for kulturtilskot

11. mai 2017 kl. 11:03 - Mary Ann Sørheim
Skal du eller laget ditt søkja kulturtilskot til ulike arrangement eller prosjekt, finn du søknadsskjema her: http://www.kvam.no/lag/samla/biblskule.asp?meny=kommunale_tilskot Informasjon: kontakt kulturkontoret v/ Mary Ann Sørheim 56 55 69 06/ 954 07 710 eller mars@kvam.kommune.no

Innsamling av arkivmateriale frå lag og organisasjonar

29. mars 2017 kl. 13:14 - Mary Ann Sørheim
Har laget ditt gamle møtebøker, arkiv, protokollar, lagsblad, vedtekter, fotomateriale, lokalhistoriske filmar osv ? Kulturkontoret vil gjerne samla og arkivera dette materialet.

Pris- og gebyrhefte

5. januar 2017 kl. 08:56 - Anita Hesthamar
Prisar og gebyr for 2017 er klare.

Kvam herad tilbyr AvtaleGiro og eFaktura

12. juni 2016 kl. 06:58 - Kristi Neteland
AvtaleGiro og eFaktura Du kan velja mellom eFaktura, Avtalegiro eller ein kombinasjon av begge. Avtalen kan du enkelt oppretta her ved hjelp av BankID. Eventuelt kan du oppretta avtalen i nettbanken, eller ved å ta kontakt med banken din. Dersom du ikkje har nettbank kan du inngå avtale om AvtaleGiro ved å fylla ut og senda inn vår svarkupong.


Legevakt 116117



FACEBOOK  Facebook

Godkjent HTML 4.01 Transitional
Kvam herad, Grovagjelet 16, 5600 Norheimsund - telefon: 56553000 / faks: 56553001, epost: postmottak@kvam.kommune.no