Kvam brann og redning
Skattedirektoratet har i ei prinsipputtalelse i februar 2024 konkludert med at kommunane ikkje skal berekna meirverdiavgift på gebyr for lovpålagt feiing og tilsyn med fyringsanlegg.
Dette gjeld frå og med i år (2024).
Denne endringa gjeld for alle kommunane i landet, etter at Skattedirektoratet har gjort ei grundigare vurdering om feiing og tilsyn med fyringsanlegg blir omfatta av unntak i meirverdiavgiftslova.
Konklusjonen til Skattedirektoratet kan du lese her: Merverdiavgiftsloven § 3-9 – Offentlig myndighetsutøvelse mv. - Skatteetaten
Skattedirektoratet har gitt uttrykk for at det ikkje er grunn til å endre frådragsføring av kostnadar (for feiing og tilsyn) for tidlegare år. Kvam herad har derfor valgt å ikkje tilbakebetale innkrevd merverdiavgift frå tidlegare år, men betalar tilbake meirverdiavgift til dei som har betalt dette i 2024. Det vil gjelde dei som får 4 eller 12 faktura i året. Dei som har 1 eller 2 faktura i året har fått rett beløp på faktura i april.
Ein eigedom med ei pipe/løp og 4 faktura i året vil få tilbakebetalt kr 30,-.
Ein eigedom med 12 faktura i året vil få tilbakebetalt kr 20,-.
Desse beløpa vil verta trekt frå på komande faktura.
Nye gebyrsatsar for feiing og tilsyn 2024:
- Gebyr for tilsyn med fyringsanlegg kr 480,00
- Gebyr for tilsyn med fyringsanlegg fleire piper/løp kr 240,00
- Gebyr for tilsyn med fyringsanlegg fritidsbustad kr 480,00
- Timepris for feiing kr 392,00